वीरगन्ज ,११ बैशाख ।
पाचौं परवानीपुर गोल्डकप फुटबल प्रतियोगिता अन्तर्गत शुक्रबार भएको महिलाहरुको मैत्रीपुर्ण खेलमा वीरगन्ज युथ एकेडेमी बिजयी भएको छ ।
परवानीपुर खेल मैदानमा भएको महिला बीचको मैत्रीपुर्ण खेलमा वीरगन्ज युथ एकेडेमीले १-० गोल अन्तरले निजगढ फुटबल क्लबलाई हराएको हो ।
खेलको २५ औं मिनेटमा वीरगन्ज युथ एकेडेमीकि खेलाडी संगीता थिङले गोल गरेकी थिइन् । उनले गरेको गोल नै निर्नायक बनेको थियो । आजको खेलमा म्यान अफ दि म्याच वीरगन्ज युथ एकेडेमीकि खेलाडी संगीता थिङ भएकी थिइन् । उनले नगद २१ सय प्राप्त गरीन ।
उनलाई आजको कार्यक्रमका प्रमुख अतिथि प्रतिनिधि सभा सदस्य रहबर अन्सारीले पुरस्कार प्रदान गरेका थिए ।शनिबार हुने प्रतियोगिताको उपाधीका लागी आयोजक शक्ति युवा क्लब र निजगढ फुटबल क्लब निजगढ भिडने छन ।
प्रतियोगिताका संयोजक संजय मण्डलको अध्यक्षता भएको आजको प्रमुख अतिथि प्रतिनिधि सभा सदस्य रहबर अन्सारीले प्रतियोगिताको उदघाटन गरेका थिए ।
राष्ट्रको लागि खेलकूद, स्वास्थ्यको लागि खेलकूद नाराका साथ परवानीपुर गोल्डकप–२०८३ को पाँचौं परवानीपुर गोल्डकप परवानीपुर खेल मैदानमा करिब १७ लाखको लागतमा भइरहेको सह संयोजक दिपक यादवले बताए । प्रतियोगितामा पहिलो पुरस्कार २ लाख, द्वितीय पुरस्कार १ लाख र अन्य विधा जस्तै उत्कृष्ट डिफेन्डर, फरवार्ड, प्रतिदिनका खेलका उत्कृष्ट खेलाडीहरुलाई आर्थिक नगदबाट पुरस्कृत गरिने आयोजक क्लबका अध्यक्ष सुबोध श्रीवास्तले बताए । त्यस्तै खेलभरिका उत्कृष्ट प्रतियोगिताका खेलाडीलाई ५१०० नगद पुरस्कार दिइने अध्यक्ष श्रीवास्तले बताए ।
