पोखरिया नगरपालिकाको वडा नं. ९ अन्तर्गत रहेको श्री नेपाल राष्ट्रिय प्राथमिक विद्यालय, चौकिया बैरिया विर्तामा नयाँ विद्यालय व्यवस्थापन समिति गठन गरिएको छ।
आज सम्पन्न विद्यालय व्यवस्थापन समिति गठनसम्बन्धी बैठकले वडा सदस्य ज्योति मिश्रलाई सर्वसम्मत रूपमा समितिको अध्यक्षमा चयन गरेको हो। बैठक विद्यालय व्यवस्थापन समितिकी जेष्ठ सदस्य धनुमाया राईको अध्यक्षतामा सम्पन्न भएको थियो।
बैठकबाट अध्यक्षसहित नौ सदस्यीय विद्यालय व्यवस्थापन समिति गठन गरिएको छ। नवगठित
समितिको अध्यक्षमा ज्योति मिश्र चयन हुनुभएको छ भने सदस्यहरूमा धनुमाया राई, शोभा देवी पटेल, संचित प्रसाद यादव, असलम आलम, दीपेन्द्र पटेल, मिरा देवी, वृजकिशोर पटेल तथा विद्यालयकी प्रधानाध्यापक उष्मा कुमारी मिश्र रहनुभएको छ।
समितिको अध्यक्षमा ज्योति मिश्र चयन हुनुभएको छ भने सदस्यहरूमा धनुमाया राई, शोभा देवी पटेल, संचित प्रसाद यादव, असलम आलम, दीपेन्द्र पटेल, मिरा देवी, वृजकिशोर पटेल तथा विद्यालयकी प्रधानाध्यापक उष्मा कुमारी मिश्र रहनुभएको छ।
नवगठित समितिले विद्यालयको शैक्षिक गुणस्तर अभिवृद्धि, व्यवस्थापन प्रणाली सुदृढीकरण तथा अभिभावक र समुदायसँग सहकार्य गर्दै विद्यालयको समग्र विकासमा योगदान पुर्याउने अपेक्षा गरिएको छ।
नव नियुक्त अध्यक्ष ज्योति मिश्र वीरगञ्जबाट प्रकाशित हुने 'ज्योति जागरण' दैनिक पत्रिकाका प्रकाशक समेत रहनुभएको छ।
उक्त कार्यक्रममा पोखरिया नगरपालिकाको तर्फबाट ललन पटेल, भगवान साहलगायत स्थानीय अभिभावकहरूको उल्लेखनीय उपस्थिति रहेको थियो।
प्रतिक्रिया