मलंगवा–९ स्थित नेपाल टेलिकमको टावरको माथिल्लो भागमा चढेका गोडैता नगरपालिका–९, बकैनिया निवासी २४ वर्षीय अफसर आलम हुसैनलाई प्रहरीले नियन्त्रणमा लिएको छ। परिवारका सदस्यको अनुरोधपछि उनी आफैं टावरबाट तल झरेका थिए।
प्रहरीले घटनाका क्रममा हुसैनसँग निरन्तर फोन सम्पर्कमा रहेका उनका दुई जना साथीलाई पनि नियन्त्रणमा लिएको जनाएको छ। घटनाबारे थप अनुसन्धान भइरहेको प्रहरीले जनाएको छ।
