बिरगंज । पर्साको अमरपट्टी नाकाबाट अबैध रुपमा समानहरु खुल्याम रुपले भित्रिरहेको छ । एक महिना देखि रोकिएको महिनादेखि रोकिएको तस्करी गत सातादेखि सुचारु भएको छ। नेपाल प्रहरी र सशस्त्र प्रहरी बलको संरक्षणमा तस्करीको लाइन चलेको स्थानीय बताउँछन् । पर्साको अमरपट्टी नाकाबाट हुने तस्करी स्थानीय प्रहरी र सशस्त्र प्रहरी बलका केही व्यक्तिहरूको संरक्षण र सेटिङको कारणले अझ सक्रिय बनेको देखिन्छ। सीमावर्ती क्षेत्र भएकाले यो नाका तस्करहरूको प्रमुख मार्गका रूपमा उपयोग हुँदै आएको छ।
यस नाकाबाट अहिले तस्करीको लाइन पाउने मुख्य व्यक्तिहरूमा तार्केश्वर र भीम मुख्य छन् । दुबै जना व्यापारीले पाँच वटा मोटरसाइकल प्रयोग गरेर दिनमा धेरै पटक सम्म रजनीगन्धा , पानपराग लगायतका सूर्तिजन्य सामानको तस्करी गर्दै आइरहेका छन् । भन्सारले सोचे अनुरूप राजश्व संकलन गर्न नसकिरहेको अवस्थामा सशस्त्र प्रहरीले तस्करीको लाइन दिएर व्यापक राजश्व चुहावट गरिरहेका छन् । यो नाकाबाट अहिले किराना समान , हार्डवेयर , कुखुराको चल्ला , दाना , चिनी , जर्सी गाई र भैंसी, कपडा रहेका छन् ।
तस्करी नियन्त्रण गर्नुपर्ने निकायका केही पदाधिकारीहरू नै विभिन्न लाभ, सेटिङ र राजनीतिक दबाबका कारण तस्करी गतिविधिलाई मौन स्वीकृति दिने गरेको आरोप छ। यसका कारण अवैध सामान, मदिरा, सुन, औषधि, लत्ता–कपडा सीमाबाट सहजै ओसारपसार हुने अवस्था कायम छ। यसरी राज्य संयन्त्रकै संरक्षणमा हुने तस्करीले राजस्व हानि, सीमाको सुरक्षा कमजोर हुनु र अपराधिक गतिविधि बढ्नु जस्ता गम्भीर समस्या निम्त्याइरहेको छ। स्थानीय बासिन्दाहरूले पनि बारम्बार कडा निगरानी, सुरक्षाकर्मीहरूको जवाफदेहिता, र प्रभावकारी कारबाहीका लागि माग उठाउँदै आएका छन्। यस्ता गतिविधिलाई नियंत्रित गर्न, स्वच्छ छानबिन, नियमित गोप्य अनुगमन, र सुरक्षा निकायभित्रको मिलेमतोमा कडाभरि कारबाही आवश्यक रहेको स्पष्ट देखिन्छ।
प्रतिक्रिया