कार्तिक ३० गते
स्थानीय तहका जनप्रतिनिधिमाथि विकासमा अनियमितताको आरोप त नयाँ होइन, तर कटहरिया नगरपालिकामा एउटा यस्तो घटनाले सबैभन्दा ठूलो नैतिक पतन देखाएको छ, जहाँ जनताको हिमायती बन्ने एक वडा सदस्यले विदेशमा रहेका नागरिकको श्रीमती नै भगाएको प्रकाशमा आएको छ।
कटहरिया–१ का नेपाली कांग्रेसका वडा सदस्य सतलाल दासले आफ्नै टोलकी तीन छोराकी आमा, एक दलित महिलालाई ललाइफकाई भगाएको पीडित परिवारले आरोप लगाएको छ। विदेशमा रहेका उनको श्रीमानले मलेसियाबाट पठाएको १२ लाख नगद, ३ लाख बराबरका गरगहनासहित झण्डै १५ लाखको सम्पत्ति लिएर दासले महिलालाई भगाएको पीडित पक्षको दाबी छ।
महिलाकी सासु घुनिया देवीका अनुसार पाँच वर्षदेखि विदेशमा रहेका छोराले पठाएको पैसा र सम्पत्ति लिएर वडा सदस्यले बुहारीलाई भगाई बारा, निजगढको एक कोठामा राख्दै आएको प्रमाणसहित भेटिएको हो। गाउँका मान्छे लिएर खोज्दै जाँदा एकै कोठामा बसेको भेट्यौं, उनीहरूलाई समातेर प्रहरीलाई बुझाएका थियौँ, उनले दुखेसो पोखिन्।
बुहारीको नाममा रहेको ५ कठ्ठा जग्गा बैंकमा धितो राखेर दासले पुनः पैसा निकालेको सासु घुनिया देवीको आरोप छ।
बारा प्रहरीले पक्राउ गरी उनीहरुलाई रौतहट ईलाका प्रहरी कार्यालय गरुडा हुँदै जिल्ला प्रहरी कार्यालय गौरमा ल्याएपछि छलफल भएको थियो। छलफलको क्रममा कटहरिया नगरप्रमुख अजय प्रकाश जैसवालले उल्टै पीडित पक्षलाई सम्पत्ति आधी–आधी गर्ने प्रस्ताव दिएको आरोप छ। "दोषीलाई कारबाही गर्नुको सट्टा मेयरले उल्टै पीडितको सम्पती भागबण्डा गराएर दोषीलाई बचाउने खेल गरे," सासु घुनिया देवीको गुनासो छ।
छलफलमा मेयर दासलाई 'सजिलै उम्काउने' तयारीमा रहेको समयमा जिल्ला प्रहरी प्रवक्ता डीएसपी बिष्णु प्रदीप बस्यालले हस्तक्षेप गर्दै कती पैसा र गहना लिएको छ त्यसको प्रमाण जुटाउन निर्देशन दिएका थिए। उजुरी शाखा प्रमुख बरिष्ठ सई अरुण कुमार सिंहका अनुसार,
कति रकम लियो, कति गहना, कुन बैंकबाट कति निकाले सबै प्रमाणसहित उजुरी गर्ने भनिएको छ। तर त्यही बीच मेयर जैसवालले दासलाई जिम्मा जमानिमा लिएर आफ्नो गाडीमै लगेको पीडित पक्ष बताउँछ। प्रहरीका अनुसार प्रमाण पुष्टि भए दासले रकम फिर्ता गर्नै पर्ने हुन्छ।
नगरभित्र जनप्रतिनिधिको यस्तो चरित्र देखिएपछि स्थानीय तहमा आक्रोश बढेको छ। वडा–१ का अध्यक्ष भूपेन्द्र कुशवाहा भन्छन् तीन छोराकी आमा भगाएर दासले जघन्य अपराध गरेको छ। तर त्यो भन्दा ठूलो अपराध मेयरले गरेको छ, जसले पार्टीको नाममा अपराधी जोगाउने खेल चलायो।
पीडित महिलाका तीन साना छोराहरू, बुढी सासु, परिवारको सम्पूर्ण आशा टुटेको अवस्थामा छन्। गरिबको सम्पत्ति, बुहारी, बालबच्चा सबै लुट्नेहरूलाई मेयरले नै बचाएपछि हामी कहाँ गएर न्याय माग्ने रु घुनिया देवीको पीडा शब्दमै सीमित हुँदैन।
यस घटनामा मेयर अजय प्रकाश जैसवालको क्रियाकलाप हेरेर कटहरिया नगरबासी खुलेरै आलोचना गरिरहेका छन्। मेयर जैसवालले आरोपको खण्डन गर्दै आफू छलफलमा मात्र सहभागी भएको बताएका छ
प्रतिक्रिया