बारा
जेनजीले प्रदर्शन चर्काउन थालेपछि बाराको सिमरा क्षेत्रमा आज पनि कर्फ्यू जारी भएको छ । बिहीबार बिहान ११ बजेदेखि जेनजी युवाहरु सिमरा चोकमा प्रदर्शनमा उत्रिएपछि जिल्ला प्रशासन कार्यालय बाराले सिमरा क्षेत्रमा कर्फ्यू लगाएको हो ।
कर्फ्यू लगाउनुअघि प्रहरीले भीड नियन्त्रणमा लिन सामान्य बल प्रयोग गरेको थियो । तर, पनि स्थिति नियन्त्रणमा लिन नसकेपछि दिउँसो १२ : ४५ देखि साँझ ८ बजेसम्मका लागि कर्फ्यू लगाइएको सहायक प्रमुख जिल्ला अधिकारी छविरमण सुवेदीले जानकारी दिए ।
प्रतिक्रिया