कार्तिक ३०, बारा । बाराको कलैया उपमहानगरपालिका १४ मा सञ्चालित केही होटेलहरूमा अवैध रूपमा खुला रूपमा यौन व्यवसाय भइरहेको गोप्य सूचनाका आधारमा जिल्ला प्रहरी कार्यालय बाराले आईतबार छापामारी गरेको छ ।
प्रहरीको छापामारीको क्रममा ट्री हाउस कटेजबाट दुई महिला र दुई पुरुषलाई नियन्त्रणमा लिएको छ भने सोही क्षेत्रमा सञ्चालित एउटा भट्टी पसलबाट पनि एक महिलालाई नियन्त्रणमा लिइएको जिल्ला प्रहरी कार्यालय बाराका प्रवक्ता विजयराज पण्डितले जानकारी दिनुभएको छ । उनका अनुसार नियन्त्रणमा लिइएका पाँचै जनामाथि प्रचलित कानुन अनुसार आवश्यक कारबाही अघि बढाइने छ ।
प्रहरीले यस्ता गैरकानुनी क्रियाकलाप माथि निगरानी कडा पार्ने र स्थानिय स्तरमै अनुशासन तथा सुरक्षालाई थप मजबुत बनाइने जनाएको छ ।
प्रतिक्रिया