पर्सा १ मंसिर
नेकपा एमाले पर्सा जिल्ला को पाचौ पुर्ण बैठक संगठन सुदृढीकरण , अनुशासन , जिम्मेवारी हेरफेर र महाधिवेशन मा प्रतिनिधि चयन सम्बन्धि महत्वपुर्ण निर्णय गदै सोमवार सम्पन्न भएको छ । जिल्ला अध्यक्ष डा. विशम्भर कुमार शर्माको अध्यक्षता मा सम्पन्न बैठक मा प्रमुख अतिथि नेकपा एमालेका केन्द्रीय सचिव पुर्व उप प्रधानमन्त्री रघुवीर महासेठले आपसी द्वन्द्व हटाएर एकतावद्ध तरीकाले पार्टी संगठनहरुले कार्य गर्नु पर्ने आवश्यकता मा जोड दिनु भयो । उहाँले पार्टी अध्यक्ष के पी ओलीले जवज को सफल कार्यान्वयन गरी देश र मधेस प्रदेशमा एमालेलाई पहिलो पार्टी बनाउनु भएको दावी गर्नु भयो । आउदो निर्वाचन पनि नेकपा एमाले केपी ओलीकै नेतृत्वमा जाने दावी गर्नुहुदै राष्ट्रिय अन्तराष्ट्रिय शक्ति ओलीलाई कमजोर बनाउन लागि रहेको तर अगामी महाधिवेशन पछि पनि ओलीकै नेतृत्व मा जानुपर्ने बताए ।
केन्द्रीय सदस्य प्रभु हजरा, निर्मला देवकोटा, केन्द्रीय सल्लाहकार जालिम मियाँ, मुन्नी श्रीवास्तव, ठाकुर प्रसाद न्यौपाने, प्रदेश कमिटी सचिवालय सदस्य जय प्रकाश थारु, प्रदेश सभा सदस्य विणा शर्मा, पोखरीया नगर पालिका प्रमुख प्रधुम्न चौहान, सखुवा प्रसौनी गाँउ पालिका प्रमुख यसवन्त यादव, छिपहरमाई गाँउ पालिका प्रमुख मनोज कुमार गुप्ता लगायत प्रदेश कमिटी सदस्यहरु र जिल्ला कमिटीका सदस्यहरुको सहभागिता थियो ।
बैठकले १३ गते महाधिवेशन को प्रतिनिधि सर्वसम्मति ले चयन गर्ने, २७ गते काठमाडौं मा हुने महाधिवेशन उदघाटन समारोह मा जन सहभागिता गराउने निर्णय गरेको छ । बैठक ले भदौ २३/२४ को घटनापछि विभिन्न माध्यम ले राजिनामा दिएका एवम् आगजनी तोडफोडमा संग्लन को सदस्यता खारेज गर्ने निर्णय भएको जिल्ला सचिव महेश दासले जानकारी दिनु भएको छ । यसैगरी बैठक ले सुन्दर प्रसाद कुर्मीलाई प्रचार विभाग प्रमुखमा मनोनयन गरेको दास ले बताए ।
प्रतिक्रिया